Rhoda Mshana

Rhoda Mshana, Mtanzania, ni Meneja wa Mradi wa kiwango cha Juu ambaye ana tajiriba ya zaidi ya miaka 10 kimaendeleo katika ya benki nchi mbalimbali. Anaongoza utambulishi, ukadiriaji, majadiliano na utekelezaji wa ufadhili wa miradi ya sekta ya nishati,pamoja na kushauri kuhusu sera za sekta hiyo na taratibu za kisheria ili kuumba mazingira yafaayo kwa ukuaji wa kiuchumi endelevu katika Afrika. Alifanikisha utekelezwaji wa shamba kubwa zaidi la nishati ya upepo nchini Kenya iliyo na thamani ya EUR milioni 400, na mradi wa kwanza ya nishati ya maji chini ya mfumo wa Ubia wa Umma na Mashirika ya Kibinafsi nchini Zambia. Yeye ni mtaalamu wa Ufadhili wa miundo msingi na ana usuli madhubuti katika uwekezaji na tajiriba katika majadiliano ya kifedha katika sekta ya kibinafsi. Alikuwa mwandishi mwenza wa “Financing Power Projects Handbook” (2016) kama kifaa cha kuifahamisha serikali na wadau wengine kuhusu sehemu muhimu na mambo ya kuzingatiwa pamoja na majadiliano ya kifedha na uhusika wa wawekezaji. Ni kiongozi anayefahamika kwa matokeo na mratibu ambaye ameweza kuchangisha uwekezaji wa milioni nyingi kupitia kwa uandikaji wa mapendekezo ya ufadhili . Ana ustadi wa kubainisha mapengo na kutumia mikakati ili kuzalisha maeneo mapya ya kibiashara, kuimarisha utendaji na kujenga uwezo na wadau tofauti. Ana tajiriba pana katika ujenzi wa ubia na uhusika , kudumisha mahusiano fanisi kwa muda mrefu pamoja na wateja na wabia pamoja na waunda ubia wa miradi wa kimataifa, wadhamini wa miradi, asasi za ufadhili wa kimaendeleo , asasi za kifedha na washauri wa kifedha. Rhoda kwa sasa ni Mtaalamu Mkuu wa Sheria za Sekta ya Nishati katika Idara ya Masuluhisho ya Kifedha, Sera na Sheria katika Makao makuu ya African Development Bank (AfDB) katika Abidjan, Cote d’Ivoire, na amekuwa katika AfDB tangu 2008. Kabla ya kujiunga na AfDB, Rhoda alikuwa Mshauri Mkuu wa Ushauri wa Mikakati na Utendakazi katika Deloitte Consulting, baada ya kukua kutoka kwa jukumu la Mshauri na Mshauri Mkuu (2003-2008). Rhoda ana shahada ya Uzamili katika uchumi kutoka Chuo Kikuu cha London, UK (2000), naa shahada ya kwanza katika Usimamizi wa Kifedha ulio na masomo makuu matatu ya Uchumi , Uuzaji na Biashara ya Kimataifa kutoka kwa Chuo Kikuu cha Creighton, USA (1999). Yeye ni msemaji mahiri katika Kiingereza na anasema na kuandika Kifaransa hadi kiwango cha kati.

2015